fbpx
motorone

أتجوزت من4 شهور إمام وخطيب متدين لكن إكتشفت من3يوم جواز إنه بيعمل حاجات عمري ماكنت أصدق أنه يعملها في يوم من الأيام

انا عندى ٢٣ سنة متجوزة من اربع شهور وجوزى عنده ٣٢ سنة هو امام وخطيب ومتدين كنا مخطوبين سنة ونص فترة الخطوبة عدت بحلوها ومرها المهم انى كنت دايما متمسكة بية لكن هو كان دايما شايف ان انا بالنسبة له عادى سواء كملت معاه او لا انا مش هحكيلكم عن فتره الخطوبة لان دى حاجة عدت خلاص مش هيفيد فيها الكلام انا المهم

عندى دالوقتى انى اكتشفت من ٣ يوم بعد فرحى انه بيشرب سجاير و بيتفرج على فديوهات مش كويسة دى كانت صا-دمة بالنسبة لى لانى والله ماكنت اعرف كدا ولا عمرى حسيت بكدا طول فترة الخطوبةالموضوع ده بجد مسبب لى از-مة فى حياتى واخيرا قررت انفصل الاسبوع الى فات بس كنت رافضة تماما انى اقول الاسباب لاى حد لانه مهما كان جوزى الوحيده الى عرفتها هيا والدته المهم كلمت اهلى وجم عندى الجمعه ال فاتت وطلبت الانفصال بدون توضيح اسباب كان قدام اهلى و والده لكن والدته ما جاتشى قالت انها تعب-انه بس الحقيقة كان رد فعلها غريب

قالتلى معلشى استحملى انتى ارحم من غيرك الواحده ياما بتشوف كويس انه بيعمل كدا من قدامك مش من وراكى انا حاليا مدياله فرصة بالرغم انى استحملت اربع شهور ماحدش يعرف عنى حاجة وكمان ماحملتش منه بس هو بردوا بعد الى حصل بيشرب لسه سجاير انا مش عارفة اسيبه ولا لا ؟ ولو كملت معاه هيكون حرام عليا ولا لا ؟ بالرغم انه بصراحة ك-سر حاجات كتير حلوه كانت جوايا ليه من نحيته دا غير ان والدى متو-فى وايام الفرح اتنزلت عن حاجات كتير اوى زى مثلا انى جالى ذهب ب اربعين الف لكن حاليا اخوه وكيل نيابه وبيخطب دكتوره هيجيب لخطيبته ذهب ب ١٤٠ الف طبعا ماحدش هيصدق !!! وبردوا مرداش يخلينى اعمل خطوبة فى قاعه ولا الفرح كمان عمله اى حاجة كانها قاعده عائليه لكن اخوه حاليا هيخطب فى قاعه وفرحه كمان صدقونى

انى مش بقارن بينهم ولا ببص على الى فى ايد غيرى انا بس مستغربة ان والدته كانت دايما تقول ان اخوه لا يمكن يعمل ويعمل وطلع عادى خالص وبيعمل كل حاجة وحسسونى ان اهلى طالبين حاجات كتير لدرجة انى صدقتهم وقلت لاهلى حرام شكلهم ناس يعنى مستورين الحال بلاش نضغط على بعض دا غير انه طالب حاجات تكون موجودة فيا من ناحية شكل جسمى مع انى مش وحشه خالص انا طولى ١٥٦ ووزنى ٥٠ كيلو واخواتى بيقولولى انى اجمل واحده فيهم بس انا مش حاسه بكدا خالص من كتر العيوب الى مطلعها فيا طبعا البنات هما الى هيفهمونى فى النقطة دى انا سمعت كلامه وكشفت واخدت حاجات كتير لدرجة ان اهلى قالولى انك كدا بتا-زى نفسك بس كان كل همى انى ابقى حلوه دايما فى عينه مش ساعه حلوه وساعه وحشه

الغريبه انى لما طلبت منه يبطل يتفرج على الفديوهات الغريبه دى قالى انا بحب الثقافة فى كل المجالات وكمان اعتبرينى بعوض النقص الى مش لقيه فيكى اسفة جدا عل الاطاله بس ارجو الافاده على اكتر قدر ممكن من الناس فعلا كلامكم بالنسبالى يهمنى جدااا انا خايفة اسيبة وخايفة اكمل وخايفة اخلف منه وحاسه انى كرهت الجواز والرجاله بالرغم انى والله العظيم كنت دايما اقوله يارب ربنا يقدرنا ونعانل بعض زى ما زوجات الرسول كانوا بيعملوه والرسول صلى الله عليه وسلم بيعاملهم انا هتجنن من التفكير ومش عارفه هفضل كدا لحد امتى واخد القرار الصح امتى ؟؟؟!!!

مقالات ذات صلة

‫5 تعليقات

  1. قولى الحمد لله الدنيا ياما فيها …. غيرك مش لاقى
    اصبرى علية … الزوج ربنا امرة انه يامر اهلة بالصلاه ويصبر عليها
    انتى بقى اصبرى اصبرى

  2. هو ده فعلا مريض نفسي
    ممكن يكون عنده نقص و نفسه يعيش الي بيتفرج عليه
    فلو عوزه تكميلي معاه بصراحه و من الاخر ده علاجو بسيط
    من وجهة نظري و انشاء الله يكون حل بسط
    شوفي يا برنسيسة انتي بتحبة
    لو بتحبيه هتحبي تتبسطي تتمتعي تمتعيه تعزبيه متعه المهم تحيبه اخره مش هو الي يجيب اخرك حتته انك مش قدره دي ف العلاقه تنسيها
    خلي سهوته مره و اتنين و خمسه لو قدرتي انشله تخدي الي منشط مثير و حولي ع قد ما تقدري تعملي الي بيشوفه و اوعي تحسسيه انك قرفانه منه
    ساعتها بس هو هيبوس رجلك و اعملي حسابك الفطره دي اخري حملك شويه

  3. سيبيه وقوليلو هرجعلك لما تتعدل لو متزبطش اشكيه في المحكمة للقاضي هيظبطوه لو متظبطش قدري انتي ونفسك ياتطلقي او تدعي ربنا يهديه ع العموم رجاله كتير بتشوف وبتشرب وبتشرب حجات كتير كمان غير السجاير بس فا نحاول نصلح لو معرفناش يبقى قطعو احسن من نحتو.

  4. طيب مبديئا الناس الى بتنصح دى كلهم اتفرجوا على الأفلام دى و ممكن معظمهم بتشرب سجاير مش ملايكه بااجنحه خدى قرارك من نفسك و ملكيش دعوة بالناس الى انتى هاترتاحى فى اعمليه ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
إغلاق